今日係農歷七月廿二日，係一年一度嘅財神趙公明誕辰（得道紀念日），錦大家又知唔知財神趙公明嘅來歷呢？請睇下面嘅介紹：
喺《封神演義》入便，趙公明修道有成，仲有三個妹妹，佢哋分別係趙雲霄、趙瓊霄同埋趙碧霄。武王克殷時，趙公明原居喺峨嵋山羅浮洞嘅一位截教道人，受殷商太師聞仲禮請，輔佐殷紂王，武藝高強，周朝闡教嘅仙人及將領們都唔係佢對手，接連敗陣，姜子牙只好請陸壓真人以法術將之暗殺。
殷商滅亡後，姜子牙並未封趙公明為財神，只係封為“金龍如意正一龍虎玄壇真君”，簡稱“玄壇真君”，又稱“玄壇元帥”。統領“招寶天尊蕭升”、“納珍天尊曹寶”、“招財使者陳九公”、“利市仙官姚少司”四位神仙，四仙專司迎祥納福、商賈買賣。因趙公明部下為四名與負責財富嘅神，其分別係“招寶”、“納珍”、“招財” 同埋“利市”，因而成為財神。唔少人會將趙公明同埋其四位部下，合稱五路財神，希望佢哋可以為信徒帶來東方、南方、西方、北方同埋中央五個方位嘅財運。
元朝、明朝間嘅《三教源流搜神大全》講趙公明係終南山人氏，秦朝時避世喺山中，虔誠修道。漢朝張道陵天師喺鶴鳴山精修時，收佢為徒。且啤佢騎黑虎，守護丹室。張天師煉丹功成後，分丹啤趙公明一齊食。趙公明神異多能，變化無窮，能夠驅雷役電，呼風喚雨，更能為信徒保命解災，成為道教嘅重要護法神。
傳說農歷正月初五，係玄壇真君走下其所居住嘅天宮玄壇，下凡視察人間之日，故商家喺此日祭拜玄壇真君，並開始營業，結束春節嘅假期。農歷三月十五日為真君生日，七月二十二日財神節為真君得道日。
財神 /txòi xành/: Thần Tài
趙公明 /chìu cúng mìng/: Triệu Công Minh
志明-桂玲
Không có nhận xét nào:
Đăng nhận xét